काठमाडौ । पूर्णिमा विकास बैंकको नवौं साधारण सभा पुस २३ गते शनिबार हुने भएको छ । बैंकले आर्थिक वर्ष २०७२/७३ को लागि चुक्ता पुँजीको २४.७ प्रतिशत बोनस सेयर वितरण गर्ने विशेष प्रस्ताव लैजाँदैछ । बैंकले कर भुक्तानीका लागि लाग्ने कर १.३ प्रतिशतले हुन आउने २६ लाख २२ हजार २१३ रुपैंया नगद लाभाँश पारित गर्दैछ ।
बैंकले बोनस सेयर वितरण गरेपछि कायम चुक्तापुँजीको २५ प्रतिशत हकप्रद निष्काशन गर्न लागेको हो । यसअघि पनि बैंकले ५० प्रतिशत हकप्रद सेयर जारी गरेको थियो । बैंकले हकप्रद सेयर र बोनस सेयर दुबैको प्रस्ताव साधारणसभामा लैजाँदैछ ।
२०७३ पुस ०७ गतेसम्म नेपाल स्टक एक्स्चेञ्जमा कारोबार भई कायम सेयरधनीले बैंकको साधारण सभामा भाग लिन सक्नेछन् ।
प्रकाशित मितिः २०७३ मंसिर २८
वि.सं.२०७३ मंसिर २८ मंगलवार २०:३० मा प्रकाशित