काठमाडौ । मितेरी डेभलपमेन्ट बैंकले ५९ हजार सात सय ३८ कित्ता सेयर लिलामीमा बिक्री गर्ने भएको छ । संस्थापक समूहतर्फ १७ हजार चार सय ७९ कित्ता र सर्वसाधारण समूहको ४२ हजार दुई सय ५९ कित्ता सेयर बिक्री गर्न लागिएको हो । बैंकले हकप्रद निष्कासन गर्दा बिक्री नभएको सेयर अहिले लिलाम बढाबढका आधारमा बेच्न लागेको हो ।
यो लिलामी सेयरमा पुस २६ गतेदेखि आवेदन खुला हुनेछ । लगानीकर्ताले न्यूनतम एक सय रुपैयाँ मूल्य तोकी त्यसभन्दा बढी भाउमा निवेदन दिनुपर्नेछ । आवेदन दिने अन्तिम म्याद माघ ४ गतेसम्म तोकिएको छ । लगानीकर्ताले प्रभु क्यापिटल लिमिटेड कमलादी, काठमाडौंबाट आवेदन दिन सक्नेछन् । मितेरीको बिक्री प्रबन्धक प्रभु क्यापिटल लिमिटेड रहेको छ ।
मितिः २०७३ पुस १२
वि.सं.२०७३ पुस १२ मंगलवार १३:५४ मा प्रकाशित
