काठमाण्डौैं । नेपाल स्टक एक्सचेन्जले हाल काठमाडौमा मात्र केन्द्रित रहेका सेयर दलालहरुलाई तत्काल राजधानी बाहिर पठाउने योजनासहितको प्रस्ताब धितोपत्र बोर्डमा पेश गरेको छ ।
५० वटा सेयर दलाल मध्ये ९ वटा बिभिन्न शहरमा गईसकेको अबस्थामा बाँकी ४१ वटालाई पनि तत्काल राजधानी बाहिर शाखा खोली सेयर कारोबार गर्न पठाउने योजना नेप्सेले बोर्डमा पेश गरी स्वीकृति मागेको हो ।
स्टक ब्रोकर एशोसियशनसँगको परामर्शमा नेप्सेले सेयर दलालहरुलाई बाहिर पठाउने कार्ययोजना बनाएको हो । नेप्सेका महाप्रबन्धक सिताराम थपलियाले धितोपत्र बोर्डबाट स्वीकृति आएपछि तत्कालै सेयर दलालहरुलाई बाहिर पठाईने बताए ।
लगानीकर्ताहरुले तत्काल सेयर दलालको कार्यालय बिस्तार गराई दिन माग गर्दै आएका छन् । त्यस्तै, सेयर दलालहरुले पटक पटक नेप्सेसंग आफुहरुलाई बाहिरका जिल्लामा पठाउन र डिलरशीप दिन माग गर्दै आएका छन् ।
१२ पुस २०७३, मेरो लगानी, २।००
वि.सं.२०७३ पुस १२ मंगलवार १४:३१ मा प्रकाशित
