काठमाण्डौं । आज फेरि नेपाल स्टक एक्सचेन्ज नेप्सेले चार कम्पनीको मूल्य समायोजन गरेकोछ । नेप्सेले सुचना जारी गर्दै मूल्य समायोजित भएको जानकारी दिएको हो । मूल्य समायोजित हुने कम्पनी र तिनको प्रति कित्ता मुल्य यस प्रकार रहेकोछ ।
कैलाश विकास बैंक लिमिटेड अर्थात् केबीबीएलले जारी गरेको २५ प्रतिशत बोनस सेयर र २० प्रतिशत हकप्रद सेयरका लागि प्रति कित्ता मूल्य रु ३ सय ५२ रहेकोछ । यसको आधार मूल्य रु ३ सय ४२ लिइएको छ ।
त्यस्तै, ज्योति विकास बैंक लिमिटेड अर्थात् जेबीबीएलले पनि आफ्नो मूल्य समायोजन गरेकोछ । यसले जारी गरेको ११ दशमलव ७ प्रतिशत बोनस सेयरका लागि प्रति कित्ता मूल्य रु २ सय ६९ राखेको छ । यसको आधार मूल्य २ सय १६ रहेकोछ ।
यसैगरी, साना किसान विकास बैंक लिमिटेड अर्थात् एसकेबीबीएलले पनि आफ्नो सेयर मूल्य समायोजन गरेकोछ । कम्पनीले जारी गरेको २५ प्रतिशत बोनस सेयरका लागि प्रति कित्ता मूल्य रु ९ सय ६८ रुपैयाँ तोकेको छ । यसको आधार मूल्य पनि रु एक हजार ५२ रहेकोछ ।
यस्तै, नेको इन्स्योरेन्स लिमिटेड अर्थात् एनआईएलले पनि आफ्नो मूल्य समायोजन गरेकोछ । आज नेप्सेमा प्रकाशित सूचना अनुसार यो कम्पनीले जारी गरेको २० प्रतिशत बोनस र शतप्रतिशत हकप्रद सेयरका लागि प्रति कित्ता मूल्य रु ७ सय ७९ राखेकोछ । यसको आधार मूल्य भने ९ सय ५७ रुपैयाँ रहेकोछ ।
१४ पुस २०७३, ११।००
वि.सं.२०७३ पुस १४ बिहीवार १२:२५ मा प्रकाशित
