काठमाण्डौं । कृषि विकास बैंकले आफ्ना सेयरधनीलाई २० प्रतिशत बोनस सेयर वितरण गर्ने प्रस्ताव गरेको छ । कम्पनीको आज बिहीबार बसेको संचालक समितिको बैठकले उक्त बोनस सेयर यसअघि बिक्री गरेको हकप्रद सेयर किन्नेलाई समेत प्रदान गरिने निर्णय गरेको छ ।
बैंकले २० प्रतिशत बोनसका साथै कर प्रयोजनका लागि १.०५३ प्रतिशत नगद लाभांस वितरण गर्ने भएको छ । बैंकले अघिल्लो महिना मात्रै एक सय रूपैयाँ अंकित मूल्यको एक अर्ब ९६ करोड ८८ लाख रुपैयाँ बराबरको एक करोड ९६ लाख ८८ हजार कित्ता हकप्रद सेयर बिक्री गरेको थियो ।
१४ पुस २०७३, १२।००
वि.सं.२०७३ पुस १४ बिहीवार १३:२१ मा प्रकाशित
