अफगानिस्तानको सरकारी सुरक्षा फौजको बुधबार बिहानबाट सुरु भएको कारबाहीमा परी ४२ जना शङ्कास्पद तालिवानी आतङ्कारीको मृत्यु भएको छ । “गत २४ घन्टाको अवधिमा अफगान राष्ट्रिय सुरक्षा फौजले गरेको कारबाहीमा परी २४ जना आतङ्कारीको मृत्यु हुनुको साथै ३६ जना घाइते भएका छन् ।
कारबाहीको क्रममा अन्य नौ जनालाई पक्राउ गरिएको अफगान रक्षा मन्त्रालयद्वारा बिहिबार जारी विज्ञप्तिमा जनाइएको छ । संयुक्त सुरक्षा फौजले आतङ्ककारी लुकेर बसेको थाहा पाएपछि आक्रमण गरेको पनि विज्ञप्तिमा उल्लेख छ ।
सुरक्षा कारबाहीका क्रममा तालिवानी आतङककारीले बम र हतियारबाट प्रतिकार गरेका थिए । कुन्दुस सहरमा आफगानिस्तान हिन्दू कम्युनिटिका स्थानीय तहका नेता नारदसिंह बिहीबार बिहान संयुक्त सुरक्षा फौजको कारबाहीमा मारिएका छन् ।
खोजी तथा अनुसन्धानकार्य जारी रहेको स्थानीय प्रहरीका प्रवक्ता मफुजुल्लाह अकबरीले जानकारी दिए ।
प्रकाशित मितिः २०७३ पुस १४
वि.सं.२०७३ पुस १४ बिहीवार १५:०८ मा प्रकाशित