काठमाडौ । बीमा समितिको अध्यक्षमा डा.रबिन्द्र घिमिरेलाई नियुक्त भएका छन् । बिहिबार बसेको मन्त्रिपरिषदको बैठकले घिमिरेलाई समितिको अध्यक्षमा नियुक्ति गर्ने निर्णय गरेको हो । पोखरा विश्वबिद्यालयको एसोसियट प्रोफेसरका रुपमा कार्यरत घिमिरेलाई मन्त्रीपरिषद्ले बीमा समितिको अध्यक्ष पदमा नियुक्ति गर्ने निर्णय गरेको हो ।
समितिको अध्यक्षमा नियुक्त गरिएका घिमिरेले बीमा विषयमा पिएचडी गरेका छन् ।
बीमा समितिको अध्यक्ष पदको दौडमा रहेका चिरञ्जिवी चापागार्इ र रमेशकुमार भट्टरार्इ र घिमिरे मध्येबाट उपप्रधान तथा अर्थमन्त्री कृष्णबहादुर महराको प्रस्ताबमा बिहिबार साँझ बसेको मन्त्रिपरिषदको बैठकले घिमिरेलाई अध्यक्षमा नियुक्ति गरेको हो।
उनको कार्यकाल चार वर्षको हुनेछ । यसअघि दुई कार्यकाल प्रा. डा. फत्तबहादुर केसी बीमा समितिको अध्यक्ष थिए ।
प्रकाशित मितिः २०७३ पुस १५
वि.सं.२०७३ पुस १५ शुक्रवार १४:३२ मा प्रकाशित