काठमाडौं । सिनर्जी पावर डेभलपमेन्टको साधारण सेयरमा ७ अर्व बराबरको आवेदन परेको छ । कम्पनीले २१ करोड बराबरको सेयरका लागि आवेदन मागेकोमा देशभरका संकलन केन्द्रबाट ६ अर्ब ८३ करोड रुपैयाँ बराबरको आवेदन परेको बिक्री प्रबन्धक सानिमा क्यापिटलले जनाएको छ ।
सर्वसाधारणले न्यूनतम ५० कित्तादेखि अधिकतम २१ हजार कित्तासम्मका लागि आवेदन दिनसक्ने व्यवस्था राखेको सिनर्जीले सर्वसाधारणका लागि पुुस ८ गतेदेखि आइपीओ खुलाएको थियो ।
माग गरेभन्दा धेरै गुणा आवेदन परेपछि आवेदनकर्ताले गोलाप्रथाबाट मात्र सेयर पाउने भएका छन् । साना लगानीकर्ताले गोलाप्रथाबाट र ठुला लगानीकर्ताले भने आवेदनको न्यून प्रतिशतमात्र सेयर पाउनेछन् । देशभरबाट आइपीओका लागि कुल १ लाख २८ हजार ५ सय ८० आवेदन परेका छन् ।
प्रकाशित मितिः २०७३ पुस १६
वि.सं.२०७३ पुस १६ शनिवार १२:०६ मा प्रकाशित