काठमाण्डौं । कञ्चन डेभलपमेन्ट बैंकले ५० प्रतिशत अर्थात दुई बराबर एक कित्ता हकप्रद सेयरको बिक्री खुला गरेको छ । बैंकले हाल कायम चुक्तापूँजीको ५० प्रतिशत हुन आउने कुल ९ लाख ९० हजार कित्ता हकप्रद बिक्री खुला गरेको हो ।
बैंकको बिक्री प्रबन्धक ग्लोबल आइएमई क्यापिटल रहेको छ । लगानीकर्ताले ग्लोबल आइएमई क्यापिटल, कञ्चन डेभलपमेन्ट बैंकको केन्द्रीय तथा सम्पुर्ण शाखा कार्यालय र ग्लोबल आइएमई बैंकका विभिन्न सात शाखाबाट आवेदन दिन सक्नेछन् ।
मंसिर २९ गतेसम्म कायम बैंकका सेयरधनीले हकप्रद सेयरमा माघ २३ गतेसम्म आवेदन दिन सक्ने बैंकले जनाएको छ । हकप्रद प्रयोजनका लागि बैंकले गत मंसिर ३० गते सेयरधनी दर्ता पुस्तिका बन्द गरेको थियो ।
१८ पुस २०७३, ११।००
वि.सं.२०७३ पुस १८ सोमवार ११:२८ मा प्रकाशित