काठमाडौँ । नेकपा एमालेका नेता माधव नेपालले अहिलेको संविधान संशोधनको माग तराई–मधेशका जानताले नगरेको प्रष्ट पारेका छन् । प्रेस चौतारी नेपालको आयोजनामामा बागबजारमा आयोजित अन्तरकृया कार्यक्रममा नेता नेपालले भने हामी कतिपयमा अहिले एउटा बुझाइएको कमजोरी देखिन्छ–फलानो मान्छेले भन्यो भन्दैमा सिंगै मधेसको माग भनेर बुझ्ने गल्ती नगरौं । उनले मधेशवादी नेतालाई लक्षित गरेर प्रतिप्रश्न गरे म माधव नेपाल रौतहटमा जन्मिएको मधेशको धर्ती पुत्रले भनेको ले भनेको कुरा नहुने, जसको बाउ बाजेको ठेगान छैन, जन्म नै नेपालमा भएको होइन, उसले भनेका कुरा चाँही मधेसको हुने ?
कार्यक्रममा नेपाली काँग्रेसका सभापति शेरबहादुर देवालाई लक्षित गर्दै भने झमेलामा पु¥याउने भूमिका नहोस्, तपाईं (शेरबहादुर देउवा) धेरै पटक प्रधानमन्त्री भएको मान्छे हो, देश–विदेश भ्रमण गरेको परिपक्व व्यक्ति, चुनौति कसरी सामना गर्ने सबै थाहा छ । त्यसैले कम अनुभवी प्रचण्डले कमजोरी गरे भन्दैमा तमासा हेर्ने होइन, कुन त्रास र दवावले त्यस्तो गरिराख्नुभएको छ, ढाडस दिने काम गर्नुस् ।
नेता नेपालले एमालेलाई मिलेर जाऊँ भनेर कसैले एउटा हात दिन्छ भने हात दिन तयार रहेको बताए । कांग्रेस र माओवादी केन्द्र दुवैले मिलेर जाऊँ भन्छन् भने एमाले मिलेर जान तयार छ । हामी नेपालको आन्तरिक मामिला आफैं हल गर्नुपर्छ भन्ने पक्षमा छौं ।
जनताको भावना नबुझे कांग्रेस र माओवादी पत्तासाफ हुन्छन्
५ नम्बर प्रदेशले के चाहन्छ भन्ने कुरा लाखौं जनता सडकमा उत्रेर लगाएको नारा र ऐक्येबद्धताले प्रष्ट गरिसकेको छ । तैपनि चेत्दैनन्, जनताको भावना बुझ्दैनन् भने कांग्रेस र माओवादी केन्द्र आउँदो निर्वाचनमा पत्तासाफ हुनेछन् । मोरङ–सुनसरीदेखि पर्सासम्मका जनताको एउटै माग–सिमांकन परिवर्तन होइन, देशमा चुनाव र विकास चाहिएको छ ।
सर्बोच्चको फैसलाले देशलाई ठूलो दुर्घटनाबाट बचायो
एमालेले प्रदेशसभाको सहमतिबिना सिमांकन हेरफेर असंवैधानिक हुने जुन अडान राख्दै आयो, अदालतको फैसलाले पार्टीको अडान सही रहेको पुष्टि गरेको छ । फैसलाको हामी स्वागत गर्छौं । वास्तबमा अदालतको फैसलाले देशलाई ठूलो दुर्घटनाबाट बचाएको छ, ठूलो खतरा र जोखिमबाट देश जोगिएको छ । किनकी ५ नम्बर प्रदेश विभाजन गर्ने उनीहरुको सुरुवाती कदम थियो, सिंगै तराई अलग नगरेसम्म चुप लाग्दैनौं भनिरहेका बेला अदालतको फैसलाबाट सिमांकन हेरफेर रोकिएको छ ।
मिति घोषणा गर्नुस्, को आउँदैन चिन्ता नगर्नुस्
एमालेसहित सबैको ध्यान अब चुनाव हुनुपर्छ । मिति घोषणा गर्नुस्, को आउँछ, आउँदैन चिन्ता नगर्नुस् ।
जातीय, धार्मिक मामिलामा हामी कहिले सम्बेदनशील हुने ?
भारतको सर्बोच्च अदालतले जात र धर्मका नाममा राजनीतिक दलहरुले मत माग्न नपाउनेगरी फैसला ग¥यो । तर हाम्रो मुलुकमा चाँही राष्ट्रिय एकता वलियो बनाउने होइन, कसरी दूरी बढाउने ? काम भइरहेको छ । देश टुक्र्याउने, बिखण्डन नै गर्ने धम्की दिईंदा, देशभक्तिलाई होच्चाउने काम हुँदासमेत नियन्त्रण गर्ने, सजाय दिने काम हुन्न । तर विदेशमा कडा सजायँ दिइन्छ । यस्तो बिडम्बना मुलुकले भोगिरहेको छ । जातीय, धार्मिक विषयमा बोल्दा, व्यबहार गर्दा होस पु¥याउनुपर्छ । यी सबै मामिलामा संसारका धेरै मुलुक शर्तक देखिन थालेका छन्, हाम्रो सर्बोच्च अदालतले पनि त्यतातिर नजर पु¥याइरहेको होला भन्ने ठानेको छु ।
कार्यक्रममा उपाध्यक्ष अष्टलक्ष्मी शाक्य, सचिव तथा केन्द्रीय प्रचार विभागका प्रमुख योगेश भट्टराई, केन्द्रीय प्रचार विभागका उपप्रमुख सूर्य थापा, केन्द्रिय कार्यालय सचिव कृष्णगोपाल श्रेष्ठलगायतको सहभागिता थियो ।
एमाले सहति नौ दलले आयोजना गरेको २२ गरेको बृहद जनप्रर्दशनमा १३ जिल्लाका जिल्ला कमिटी र ३ वटा विशेष जिल्ला कमिटी, सम्पर्क मञ्च, जनसंगठनहरु सबै प्रदर्शनको अन्तिम तयारीमा रहेको बताइएको छ । आज पनि उपत्यकाका विभिन्न ठाउँमा प्रचार कोणसभाहरु भइरहेको उपाध्यक्ष अष्टलक्ष्मी शाक्यले जानकारी दिइन् । जातीय भेषभुषा, बाजागाजासहित जुलुशमा लाखौंको सहभागिता रहने नेकपा एमाले केन्द्रीय प्रचार विभागले जनाएको छ । प्रदर्शनको प्रचारको सन्दर्भमा भोली १० हजारभन्दा बढीको सहभागितामा मोटरसाईकल ¥याली आयोजना गरिएको एमालेले जनाएको छ ।
२० पुस २०७३
वि.सं.२०७३ पुस २० बुधवार १६:०१ मा प्रकाशित
