काठमाण्डौं । हिमालयन बैंकले सेयरधनीहरुलाई ३० प्रतिशत बोनस सेयर दिने भएको छ । बैंकको आज सम्पन्न चौबिसौं साधारणसभाले ३० प्रतिशत बोनस सेयर र कर प्रयोजनका लागि १.५७८९ प्रतिशत नगद गरी जम्मा ३१.५७९८ प्रतिशत लाभांश वितरण गर्ने प्रस्ताव पारित गरेको हो ।
बैंकले आर्थिक वर्ष २०७२/७३ अन्त्यसम्म ८७ अर्ब ३३ करोड रूपैँया निक्षेप संकलन गरेको जनाएको छ जुन अघिल्लो वर्षको तुलनामा १८.७६ प्रतिशत बढी हो । यस्तै बैंकले ६९ अर्व १० करोड रूपैँया कर्जा प्रवाह गरेको छ जुन अघिल्लो वर्षको तुलनामा २४.६७ प्रतिशतले बढी हो । साधारणसभाले आर्थिक वर्ष २०७२/७३ को वार्षिक प्रतिवेदन समेत पारित गरेको छ ।
२२ पुस २०७३, ४।३०
वि.सं.२०७३ पुस २२ शुक्रवार १६:४९ मा प्रकाशित