काठमाण्डौं । आज सेयर बजार दोहोरो अंकले बढ्न पुगेकोछ । सेयर सूचक दोहोरो अंकले बढ्दा पनि आज बजारमा भने मात्र २६ करोड ४५ लाखको सेयर किनबेच भएकोछ ।
आज दिनभरमा सेयर सुचक भने ११.५२ अंकले उक्लिएकोछ । आज सेयर सूचक १४५८.९७ अंकमा पुगेकोछ । आज दिनभरीमा ११७ कम्पनीको २६ करोड ४५ लाख रुपैयाँको किनबेच भएको हो ।
सबैभन्दा बढी रकमको कारोबार नेपाल लाईफ इन्स्योरेन्स कम्पनीको भएको छ। कम्पनीको दुई करोड ८८ लाख रुपैयाँ बराबरको कारोबार भएको छ। कुमारी बैंकको एक करोड ७१ लाख रुपैयाँ बराबरको कारोबार भयो। आज आजैबाट सेयर कारोबार खुलेको महालक्ष्मी विकास बैंकका लगानीकर्ताले सबैभन्दा धेरै गुमाउन पुगेका छन् ।
२५ पुस २०७३, २।००
वि.सं.२०७३ पुस २५ सोमवार १५:३० मा प्रकाशित