काठमाण्डौं । खानीखोला हाईड्रोपावरको नेपाल स्टक एक्सचेञ्जमा बुधबारबाट सेयर कारोबार खुला भएको छ । कम्पनीको धितोपत्र नेप्सेमा के के एच सि सिम्बोलमा कारोबार हुनेछ ।
हाइड्रोपावरको ४६ लाख ५७ हजार एक सय ४३ कित्ता सेयर गत साता मात्रै नेप्सेमा सूचिकृत भएको थियो । नेप्सेले खानीखोलाको सेयर कारोबार मूल्य न्युनतम ९९ रुपैंया ४६ पैसा र अधिकतम दुई सय ९८ रुपैयाँ ३९ पैसा तोकेको छ ।
कम्पनीले गत जेठमा ९ लाख ३१ हजार ४ सय २९ कित्ता साधारणसेयर जारी गरेको थियो । साधारण सेयर निष्कासन पश्चात कम्पनीको चुक्तापूँजी ४६ करोड ५७ लाख १४ हजार रुपैयाँ पुगेको छ ।
कम्पनीले ललितपुरको खानीखोलाबाट २ मेगावाट बिजुली उत्पादन गर्ने गरी आयोजना बनाएको छ भने अर्को साढे चार मेगावाटको टुंगुन ठोस्ने खोला आयोजना निमाणाधिन छ ।
२७ पुस २०७३, ११।००
वि.सं.२०७३ पुस २७ बुधवार १२:५६ मा प्रकाशित