उपत्यकाका विभिन्न स्थानबाट तरकारीमा विषादिको मात्रा परीक्षण सुरु

ललितपुर । किसानले विषादी हालेको तरकारी कालीमाटी बाहेक अरु बजारमा बिक्री गर्न थालेपछि बाली संरक्षण निर्देशनालयले उपत्यकाका अन्य स्थानमा समेत विषादी परीक्षण सुरु गरेको छ ।उपत्यकामा तरकारी र फलफूल भित्रने नाकालाई लक्षित गरेर परीक्षण थालिएको बाली संरक्षण निर्देशनालयका कार्यक्रम निर्देशक डिल्लीराम शर्माले जानकारी दिए) ।

थानकोट, फर्पिङ, बालाजु, जगातीलगायत उपत्यकामा तरकारी भित्रने नाका लक्षित गरेर तरकारी तथा फलफूलमा विषादीको मात्रा परीक्षण थालेको शर्माको भनाइ छ । “कालीमाटी बजारमा मात्रै विषादीको परीक्षण हुँदा अन्य स्थानमा विषादी भएका तरकारी÷फलफूल बिक्री हुनसक्ने देखियो,” उनले भने ।

कालीमाटीस्थित तरकारी तथा फलफूल बजारमा दुई वर्षदेखि विषादी अवशेष द्रूत विश्लेषण इकाइको स्थापना गरेर नियमित परीक्षण गरिँदै आएको छ । परीक्षण सुरु हुँदा दैनिक तीन÷चार वटासम्म नमुनामा विषादी पाइए पनि अहिले महिनाको एक÷दुईवटा नमुनामा मात्रै विषादी पाइन थालेको शर्मा बताउँछन् । नेपालमा अत्यन्त घातक मानिने १६ वटा विषादी प्रयोग गर्न प्रतिबन्ध लगाएको निर्देशनालयले जनाएको छ ।

प्रकाशित मितिः २०७३ पुस २७

२०७३ पौष २७ गते १७:१२ मा प्रकाशित

You can share this post!

पर्यटकको रोजाईमा घोरेपानी– घान्द्रुक क्षेत्र, एक वर्षमा पुगे चार हजार सात सय पर्यटक

राष्ट्रपति कार्यकालको अन्तिम मन्तव्यः प्रजातन्त्रलाई मजबुत पार्नु !

Related posts