काभ्रे । आरम्भ माईक्रोफाईनान्स वित्तीय संस्था लिमिटेडको दोस्रो वार्षिक साधारण सभा काभ्रेपलाञ्चोकको बनेपामा सम्पन्न भएकोे छ । वित्तीय संंस्थाका अध्यक्ष श्री दिपक तिवारीको सभापतित्व तथा उद्घाटनमा सम्पन्न साधारण सभामा प्रमुख कार्यकारी अधिकृत श्री विनोद आचार्यले स्वागत मन्तव्य दिएका थिए । सभाले आर्थिक वर्ष २०७२÷०७३ को वार्षिक प्रतिवेदन तथा वित्तीय विवरणहरु पारित गरेको छ भने आ.व ०७३÷०७४ का लागि लेखापरीक्षकको नियुक्ती र पारिश्रमिक निर्धारण गर्नेका साथै संस्थाको प्रबन्धपत्र तथा नियमावलीमा आवश्यक संशोधन गर्ने लगायतका प्रस्तावहरु समेत पारित गरेको छ ।
आरम्भ माइक्रोफाइनान्सले विभिन्न ११ वटा जिल्लाहरुमा १६ वटा शाखा कार्यालयहरु संचालनमा ल्याई करिब ६००० भन्दा बढि घर परिवारलाई लघुवित्तीय सेवाहरु प्रदान गरेको छ । संस्थाले हालसम्म १ करोड ५१ लाख भन्दा बढि रकम बचत संकलन गरी हालसम्म रु. २७ करोड ४३ लाख लगानी गरेको छ भने, करिव रु. ९ करोड ४० लाख असूली गरी संस्थाको लगानीमा बाँकी रहेको रकम रु. १८ करोड ३ लाख रहेको छ ।
२०७३÷०९÷२८
वि.सं.२०७३ पुस २८ बिहीवार १९:०३ मा प्रकाशित
