काठमाडौ । रेइर्याङ हाइड्रोपावर डेभलपमेन्ट कम्पनी लिमिटेडले स्थानीय बासिन्दाको लागि आईपीओ ल्याउन धितोपत्र बोर्डमा निवेदन दिएको छ । कम्पनीले पहिलो चरणमा स्थानीय आयोजना प्रभावित जिल्लालाई मात्र आइपीओ बिक्री गर्न लागेको हो ।
कम्पनीले स्थानीयलाई पाँच करोड ६० लाख रुपैयाँको पाँच लाख ६० हजार कित्ता आइपीओ बिक्री गर्ने गरि पुस २७ मा बोर्डमा निवेदन दिएको छ । रेइर्याङ पाँचथर र ताप्लेजुङको सिमानामा पर्छ । यसआधारमा दुवै जिल्लाका प्रभावितले यो सेयर पाउनेछन् ।
कम्पनीले १० मेगावट क्षमताको परियोजना बनाउँदैछ । यो कम्पनीको धादिङमा पनि पाँच सय किलोवाट क्षमताको परियोजना बन्दैछ । रेइर्याङको यो आइपीओमा बिक्री प्रबन्धकको काम एस क्यापिटल लिमिटेडले गर्दैछ ।
प्रकाशित मितिः २०७३ पुस २९
वि.सं.२०७३ पुस २९ शुक्रवार १५:२३ मा प्रकाशित