काठमाण्डौं । डेढ वर्षसम्म चलेको विवाद टुंग्याएर भूकम्पले क्षतिग्रस्त सिंहदरबारलाई भूकम्प प्रतिरोधी बनाउन रेट्रोफिटिङ गर्ने निर्णय भएको छ । २०३९ सालमा आगलागीपछि बनाइएको भवनलाई सचिवालयले रेटोफिट गर्न लागेको हो ।
सचिवालयले मूल भवनलाई भत्काएर नयाँ बनाउने प्रस्ताव गरेको थियो, तर पुरातत्व विभागले असहमति जनाएपछि सिंहदरबार पुनर्निर्माण सचिवालयले भवनलाई रेट्रोफिटिङमार्फत प्रवलीकरण गर्न भन्दै टेण्डर निकाल्ने अन्तिम तयारी गरेको छ । यसका लागि झण्डै २५ करोड बढी खर्च हुने अनुमान छ ।
०३९ सालमा भएको आगलागीपछि पुनर्निर्माण गरिएको सिंहदरबार ०७२ वैशाख १२ को भूकम्पले हल्लाएपछि निकै जोखियुक्त अवस्थामा छ । तर, आगलागीमा बचेको भाग भने कसरी पुनर्निर्माण गर्ने भन्ने टुंगो लाग्न सकेको छैन । स्रोतका अनुसार परामर्शदाता कम्पनीले सिंहदरबारको पुरानो भाग भत्काउनैपर्ने सुझावसहितको रिर्पोट बुझाउन लागेको छ ।
३ माघ २०७३, ४।००
वि.सं.२०७३ माघ ३ सोमवार १६:१३ मा प्रकाशित
