चितवन । नेपाल अण्डा उत्पादक संघले अण्डाको मूल्य समायोजन गरेको छ । संघले अण्डा प्रति क्रेट १० रुपैया सस्तो बनाएको हो । चर्को मूल्यमा अण्डा खरिद गर्दै आएका उपभोक्तालाई केही राहत स्वरुप मूल्य समायोजन गरिएको संघका केन्द्रीय अध्यक्ष शिवराम केसीले बताए ।
मंगलबारदेखि लागू हुनेगरी ठूलो अण्डा फार्म मूल्य ३४५ र बिक्री मुल्य ३५० तथा मिडियम अण्डा प्रति क्रेट फार्म मूल्य ३२५ र बिक्री मूल्य ३३० कायम गरिएको छ ।
यसअघि ठूलो अण्डा प्रति क्रेट फार्म मुल्य ३५५ र बिक्री मुल्य ३६५ कायम गरिएको थियो भने मिडियम अण्डा फार्म मुल्य ३४० र बिक्री मुल्य ३५० कायम गरिएको थियो ।
अहिलेको समयमा स्कुल कलेजमा जाडो बिदा हुनु र स्वस्थानीको ब्रत शुरु भएकोले गर्दा खपत कम भएको र उत्पादित अण्डा यातायातको पहुँच भएको स्थानमा खपत होस भनेर मूल्य समायोजन गरिएको अध्यक्ष केसीले जानकारी दिए ।
प्रकाशित मितिः २०७३ माघ ५
वि.सं.२०७३ माघ ५ बुधवार १४:११ मा प्रकाशित