काठमाडौं । प्रधानमन्त्री पुष्पकमल दाहाल प्रचण्डले साना दलबाट दुई मन्त्री नियुक्त गरेर मन्त्रिपरिषद् विस्तार गरेका छन् । यो विस्तारसँगै प्रचण्ड सरकार ४३ सदस्यीय भएको छ ।
समाजवादी पार्टीका सांसद प्रेमबहादुर सिंह र अखण्ड नेपाल पार्टीका सांसद कुमार खड्का मन्त्री बनेका हुन् । सिंहलाई खानेपानी तथा सरसफाइ र खड्कालाई महिला बालबालिका तथा समाज कल्याण्ड मन्त्री नियुक्त गरिएको छ ।
दुबैमन्त्रीले बिहीबार नै राष्ट्रपति विद्या भण्डारी समक्ष पद तथा गोपनियताको सपथ लिएका छन् ।
सरकारका २ उपप्रधानमन्त्री छन् भने २६ मन्त्री र १४ राज्यमन्त्री छन् । अघिल्लो केपी ओली सरकार ४० सदस्यीय थियो । तर, प्रचण्ड सरकार यो भन्दा पनि जम्बो भएको छ ।
प्रकाशित मितिः २०७३ माघ ६
वि.सं.२०७३ माघ ६ बिहीवार १६:४४ मा प्रकाशित
