काठमाडौं। मर्कन्टाइल एक्सचेञ्ज नेपाल लिमिटेडले आयोजना गरेको ‘मेक्स एन्युल अवार्ड २०१६’ बाट ब्रोकर अफ दि इयर सोनाटा इन्भेष्टमेन्ट प्रालि घोषित भएको छ।
मेक्सको आठौं बार्षिकोत्सवका अवशरमा आयोजना गरिएको अवार्ड कार्यक्रममा नौं विधामा विजयहरु छानिएका थिए। यसवाहेक विशिष्ट योगदान दिने अन्य सरोकारवालाहरुलाई पनि सम्मानित गरिएको थियो।
कार्यक्रममा अप्सन ट्रेडिङ उपलब्ध गराउने जानकारी दिइएको थियो। नेपालका कमोडिटी कारोबारीहरुले सोमबारबाट अपसनमा समेत कारोबार गर्न सक्छन्।
अन्तर्राष्ट्रिय बजारमा लोकप्रिय अप्सन कारोबार नेपालमा भने मेक्सले पहिलो पटक कारोबारका लागि ल्याएको हो। अहिले यो कारोबार एन्ड्रोइड भर्सनमा मात्र उपलब्ध छ।
कार्यक्रममा एक्जुकेटिभ अफ दि इयरबाट आइएफआरुएस सोलुशन प्रालिका रामकुमार साह, मोसंट कन्सिस्टेन्ट ब्रोकरबाट लिमा इन्भेष्टमेन्ट प्रालि, मोस्ट लोयर ब्रोकरबाट मोनिटरी इन्भेष्टमेन्ट प्रालि र बेस्ट इमर्जिङ ब्रोकरबाट पायोनियर इन्भेष्टमेन्ट प्रालि सम्मानित भएका छन्।
यसैगरी वेष्ट इनएथिक्स एन्ड कम्प्लाइन्सबाट मर्निङप्लस एण्ड सेक्युरिटिज प्रालि, वेष्ट स्टाटअप ब्रोकरबाट इनभाइसेज इन्भेष्टमेन्ट प्रालि, बेष्ट इनकार्केट एक्सप्यान्सनबाट डिभाइन इन्भेष्टमेन्ट एण्ड ट्रेड प्रालि र बेष्ट इन कस्टमर फोकसबाट संसार इन्भेष्टमेन्ट प्रालि सम्मानित भएका छन्।
१० माघ २०७३, ११।००
वि.सं.२०७३ माघ १० सोमवार १२:४९ मा प्रकाशित