काठमाण्डौं । प्रिमियर इन्स्योरेन्स कम्पनीले एफपीओ जारी गर्ने भएको छ । प्रिमियरले ६ लाख ९५ हजार पाँच सय ६५ कित्ता सेयर जारी गर्न लागेको नेपाल स्टक एक्सचेन्ज (नेप्से)ले जनाएको छ ।
प्रिमियरले एक सय रुपैयाँको बेस प्राइसमा नौ सय चार रुपैयाँ थप गरि एक हजार चार रुपैयाँमा एफपीओ जारी गर्ने भएको हो । प्रक्षेपण गरिएको मुल्यमा २० प्रतिशत भन्दा बढी बिचलन देखिएमा सार्वजनिक सूचना मार्फत जानकारी गराउने कम्पनीले जनाएको छ । इन्स्योरेन्सले संस्थापक र साधारण सेयरको अनुपात ५१ः४९ कायम गर्न ६ लाख ९५ हजार पाँच सय ६५ कित्ता एफपीओ बिक्री गर्न लागेको हो ।
७२७३ को वार्षिक वित्तीय बिवरण अनुसार कम्पनीको चुक्ता पूँजी ३७ करोड ३७ लाख ५३ हजार दुई सय २० रुपैयाँ रहेको छ । हाल को पूँजीमा प्रिमियरले ६ लाख ९५ हजार पाँचसय ६५ कित्ता सेयर बापतको करिव सात करोड रुपैयाँ बराबरको रकम चुक्ता पूँजीमा थपिने छ । यसैगरी एफपीओ मार्फत कम्पनीले थप ६२ करोड आर्जन गर्ने छ ।
कम्पनीको २३ औ साधारणसभाले २० प्रतिशत बोनस सेयर तथा एफपिओ जारी गर्ने प्रस्ताव पारित गरको थियो । एफपीओ जारी गर्न एनएमबि क्यापिट बिक्री प्रबन्धक समेत नियुक्त गरेको छ ।
१२ माघ २०७३, ३।४०
वि.सं.२०७३ माघ १२ बुधवार १५:५३ मा प्रकाशित
