२५ लाख ५८ हजार एक सय ४० कित्ता एफपीओ निस्कासन हुँदै

काठमाण्डौं । स्टान्डर्ड चार्टर्ड बैंक  कुल २५ लाख ५८ हजार एक सय ४० कित्ता एफपीओ निष्काशनको अनुमति माग गर्र्दै धितोपत्र बोर्ड पुगेको छ । यस अघि नै सेयर मूल्य निर्धारण गरिसकेको बैंक प्रकृया पुरा गरी सेयर निष्काशन गर्न बोर्ड पुगेको हो ।

बैंकले एक सय रुपैंयाको फेस भ्यालुमा ११९० रुपैंया प्रिमियम थप गरी १२९० रुपैंयाँमा  एफपिओ निष्काशन गर्नेछ । बैंकले यस अघि नै एनएमबी क्यापिटललाई सेयर निष्काशन तथा बिक्री प्रबन्धक नियुक्त गरिसकेको छ ।

प्रतिकित्ता एक सय रुपैंयामा ११९० रुपैंया प्रिमियम थप गरी बैंकले १२९० रुपैंयाको दरले एफपिओ निष्काशन गर्न लागेको हो । बैंकको गत मंसिर ३० गते सम्पन्न साधारणसभाले नयाँ सेयर निष्काशनको प्रस्ताव पारित गरेको थियो । उक्त मूल्य तथा सेयर संख्याका आधारमा बैकले ३ अर्ब ३० करोड रुपैयाँ बराबरको एफपीओ निष्काशन गर्नेछ ।

अहिले बैंकको जगेडा कोषमा पाँच अर्ब ११ करोड पाँच लाख रूपैयाँ सञ्चित रहेको छ । चालु आर्थिक वर्षको पहिलो त्रैमासमा ३४ करोड ९४ लाख खुद नाफा कमाएर बैंकले प्रतिसेयर आम्दानी ४९ रूपैयाँ ७० पैसा बनाएको छ ।

१३ माघ २०७३, ११।००

२०७३ माघ १३ गते ११:३७ मा प्रकाशित

You can share this post!

एक लाख १३ हजार छ सय ६० कित्ता सेयर बिक्रीमा, माघ १९ सम्म किन्ने म्याद

मर्जमा जानुभन्दा अगाडि बैंकको अफर, ९१ लाख ९७ हजार कित्ता हकप्रद सेयर

Related posts