पोखरा । गत संस्करणको विजेता मनाङ मर्स्याङ्दी क्लब पोखरामा चलिरहेको १५ औँ आहा रारा गोल्डकप फुटबलको फाइनलमा पुगेको छ । पोखरा रंगशालामा बिहीबार भएको खेलमा संकटा क्लबलाई १–० गोल अन्तरले हराउँदै मनाङ्ग मर्स्याङ्दी फाइनलमा पुगेको हो ।
चारपटक आहा रारा गोल्डकपको उपाधी जितेको मनाङलाई फाइनलमा पुर्याउन खेलको एक मात्र गोल ओलाओलाले ८५ औं मिनेटमा गरे । मनाङले उपाधिका लागि आगामी शनिबार आयोजक सहारा क्लबसँग खेल्ने छ ।
प्रतियोगिताको विजेताले पाँच लाख एक हजार एक रुपैयाँ पुरस्कार प्राप्त गर्नेछ भने उपविजेताले दुई लाख ५१ हजार एक रुपैयाँ पाउनेछ ।
प्रतियोगिताको सर्वोकृष्ट खेलाडीलाई एउटा हिरो स्कुटर प्रदान गरिनेछ । त्यस्तै उत्कृष्ट गोलकिपर , डिफेन्स, मिडफिल्ड, स्ट्राईकर र प्रशिक्षकलाई जनही १५ हजार रुपैयाँ नगद प्रदान गरिने आयोजकले जनाएको छ । प्रतियोगिताको सर्वाधिक गोलकर्ताले २५ हजार रुपैयाँ प्राप्त गर्नेछ ।
प्रकाशित मितिः २०७३ माघ १३
वि.सं.२०७३ माघ १३ बिहीवार १९:४४ मा प्रकाशित
