काठमाण्डौं । हिमालयन पावर पार्टनर लिमिटेडले लमजुङ्गका आयोजना प्रभावित क्षेत्रका बासिन्दाहरुलाई साधारण सेयर जारी गरेको छ । कम्पनीले स्थानीयका लागि एक सय रुपैँया अंकित दरका दश प्रतिशत अर्थात १० लाख ६५ हजार चार सय १७ कित्ता सेयर निष्काशन गरेको हो ।
यो सेयरमा छिटोमा फागुन २ गते र ढिलोमा फागुन १७ गतेसम्म आवेदन गर्न सकिने कम्पनीको विक्री प्रबन्धक ग्लोवल आईएमई क्यापिटल लिमिटेडले जनाएको छ । लगानीकर्ताले कम्तिमा ५० कित्ता तथा बढीमा ५ सय कित्ताका लागि आवेदन गर्न सक्नेछन् ।
सेयरमा लमजुुङ्ग जिल्लाका आयोजनाबाट अति प्रभावित चिती, ढोडेनी, बन्सर,नौथर, श्रीभन्ज्याड, अर्चलबोट गरि छ वटा गाबिसका बासिन्दाले पाँच लाख ३२ हजार सात सय आठ कित्ता सेयरका लागि आवेदन दिन सक्नेछन् । त्यस्तै जिल्लाका अन्य गाबिसका बासिन्दाहरुलाई पाँच लाख ३२ हजार सात सय नौं कित्ता सेयरमा आवेदन खुला गरिएको हो ।
१७ माघ २०७३, १।००
वि.सं.२०७३ माघ १७ सोमवार १४:३५ मा प्रकाशित
