काठमाण्डौं । नेपाल ग्रामीण विकास बैंकले ९ लाख ७५ हजार कित्ता एफपीओ जारी गर्ने भएको छ । बैंकले आफ्नो पूँजी बढाउन सो परिमाणमा थप साधारण सेयर बिक्री गर्ने प्रक्रिया अगाडि बढाएको दोस्रो वार्षिक साधारणमा जानकारी गराएको हो । गत शुक्रवार बुटवलमा सम्पन्न बैंकको साधारणसभाले यस्तो निर्णय गरेको हो ।
हाल बैंकले ५३ जिल्लामा १ सय ९२ वटा कार्यालयहरु स्थापना गरी २ लाख १० हजार ९ सय १२ ग्राहक सदस्य र १ लाख ३६ हजार ५ सय १४ ऋणी सदस्यहरुलाई लघुवित्तीय सेवाहरु पु¥याउँदै आएको जनाएको छ ।
नेपाल सरकार र नेपाल राष्ट्र बैंकको अग्रसरतामा पाँच विकास क्षेत्रमा स्थापना भएका साविकका पाँच वटा ग्रामीण विकास बैंकहरु मर्ज भई वनेको राष्ट्रिय स्तरको लघु वित्त विकास बैंकको रुपमा यस बैंकले २०७१ साउन ३० गते देखि एकिकृत कारोवार शुरु गरेको हो । हाल यस बैंकको चुक्ता पूँजी ५५ करोड ७५ लाख रहेको छ ।
१७ माघ २०७३, ३।३०
वि.सं.२०७३ माघ १७ सोमवार १५:५८ मा प्रकाशित