काठमाडौ । नेपाल स्टक एक्सचेन्ज लिमिटेडले दोस्रो बजार कारोबार थप सहज बनाउन नियमित कारोबार समयमा नै दश कित्ता भन्दा कमको धितोपत्र किनबेच हुन सक्ने व्यवस्था गरेको छ ।
नेप्सेले नियमित कारोबार समयमा आगामी आइतबारदेखि लागू हुनेगरी यो व्यवस्था गरेको हो । नेप्सेले नियमित समयमा हुने अडलट कारोबारले बजारको मूल्य सीमा तथा परिसूचकमा असर नगर्ने व्यवस्था समेत मिलाइएको जानकारी दिएको छ ।
डिम्याट सेयर (विद्युतीय अभिलेख र अभौतिकिकरण गरिएको सेयर) को मात्र कारोबार हुने व्यवस्था लागु भएपछि १० कित्ताभन्दा पनि कम सेयर किनबेच गर्न सम्भव हुने भन्दै नयाँ व्यवस्था गरिएको नेप्सेका प्रवक्ता मुराहरि पराजुलीले जानकारी दिए ।
सेयरको नियमित कारोबारमा बजारमा मूल्य प्रभावित नहुने गरी १० कित्ताभन्दा कमको समेत किनबेच हुन सक्ने व्यवस्था मिलाएको पराजुलीले बताए ।
थप जान्न नेप्सेको यो विज्ञप्ति पढ्नुहोस् नेप्से विज्ञप्ति
प्रकाशित मितिः २०७३ माघ २१
वि.सं.२०७३ माघ २१ शुक्रवार १३:२५ मा प्रकाशित