काठमाण्डौं । कञ्चन डेभलपमेन्ट बैंकले पुस १८ गतेदेखि बिक्री खुला गरेको ५० प्रतिशत अर्थात दुई बराबर एक कित्ता हकप्रद सेयरमा आवेदन गर्ने म्याद आज आईतबार सकिँदैछ । बैंकले चुक्तापूँजीको ५० प्रतिशत हुन आउने कुल ९ लाख ९० हजार कित्ता हकप्रद बिक्री खुला गरेको थियो ।
बैंकको बिक्री प्रबन्धक ग्लोबल आइएमई क्यापिटल रहेको छ । लगानीकर्ताले ग्लोबल आइएमई क्यापिटल, कञ्चन डेभलपमेन्ट बैंकको केन्द्रीय तथा सम्पुर्ण शाखा कार्यालयहरु र ग्लोबल आइएमई बैंकका विभिन्न सात शाखाबाट आवेदन दिन सक्नेछन् । बैंकले मंसिर २९ गतेसम्म कायम सेयरधनीलाई हकप्रद सेयर बिक्री खुला गरेको हो ।
२३ माघ २०७३, ११।००
वि.सं.२०७३ माघ २३ आइतवार १२:०५ मा प्रकाशित
