भारतको दिल्लीसहितका ठाउँमा भूकम्पको धक्का महसुस भएको छ । सोमबार राति १० बजेर ४९ मिनेट जाँदा भूकम्पको धक्का महसुस भएको भारतीय सञ्चारमाध्यमले जनाएका छन् ।
देहरादुनको उत्तरपूर्वी क्षेत्र केन्द्रविन्दु भएर ५ दशमलव ८ रेक्टर स्केलको भूकम्प गएको भारतको मौसम विभागले जनाएको छ । तर अमेरिकी भूगर्भ विभिग युएसजिएसले भने ५ दशमलव ६ रेक्टर स्केलको भूकम्प रहेको जनाएको छ ।
दिल्लीसहित उत्तर प्रदेश, हिमाञ्चल तथा हरियाणामा पनि भूकम्पको धक्का महसुस भएको थियो । भूकम्प गएपछि मानिसहरु घर बाहिर निस्किएका थिए । भूकम्पका कारण भएको क्षतिको विवरण आएको छैन । भूकम्पपछिको अवस्थाका बारेमा मन्त्रालयले निगरानी गरिरहेको गृहमन्त्री राजनाथ सिंहले बताएका छन् । भूकम्पसँगै पराकम्प जान सक्ने भएकाले सतर्क रहन भनिएको छ ।
प्रकाशित मितिः २०७३ माघ २५
वि.सं.२०७३ माघ २५ मंगलवार ०७:२२ मा प्रकाशित
