काठमाण्डौं । सेयर बजार अहिले यो वर्षकै सबैभन्दा कम बिन्दुमा आइपुगेकोछ । सेयर बजार बढ्छ या यसरी नै घटिरहन्छ भन्न सक्ने अवस्था छैन । १८ सय बिन्दुु माथी रहेको नेप्सेले ६ सयभन्दा धेरै अंक गुमाइसकेको छ । अहिले बजार निकै तल आइपुगेको छ यद्यपी तत्काल बढ्न सक्ने आधारहरु बनेका छैनन् ।
केही दिन पहिले मात्र बैंकहरुबाट कर्जा लगानीमा रोक लागेकोछ । यसमा सहजता नआएसम्म सेयर बजारमा सुधार हुने देखिदैन् । बजारको यो वियरिश ट्रेण्ड कति समय चल्छ भन्ने यकिन गर्न सकिदैन् तर यस्तो अवस्थामा पनि बजारमा केही कम्पनीहरुमा लगानी बढाउँन सकिन्छ ।
लगानी गर्दा अल्पकालिनभन्दा पनि दीर्घकालिन लगानीको रुपमा हेर्नुपर्ने हुन्छ । बजार बढ्ने आधार बनेको छैन् र बढि हाल्ने पनि छिटो छिटो गतिमा बढ्ने नहुनसक्छ, त्यसैले अल्पकालिन सोचले लगानी गर्नु सही हुँदैन् । अहिले बजारमा बोनस लाभांश वा हकप्रद घोषणा भएर पनि बुक क्लाज बाँकी रहेका कम्पनी लगानीको लागि छान्न सकिने देखिन्छ । यसले गर्दा कम्पनीहरुको मूल्य थप केही तल गएमा पनि प्राप्त हुने प्रतिफलले नाफा घाटा मिलान हुने देखिन्छ ।
बुक क्लोज भइसकेका कम्पनीहरुको मूल्यमा तत्काल वृद्धि हुने सम्भावना न्युन रहेको छ । बैशाखबाट तेस्रो त्रैमाशको वित्तीय विवरण आउँने भएकोले चैतको दोस्रो साताबाट भने अहिले लाभांश दिइसकेका कम्पनीको मूल्यमा केही वृद्धि देखिने सम्भावना रहेको छ ।
सरकारको खर्च पनि फागुन÷चैतबाट बढ्नसक्ने भएकोले यसको प्रभाव पनि देखिन सक्छ । त्यसैले केही महिनामै सेयर बेच्ने सोचका साथ लगानी गर्न नहुने विश्लेषकहरुको भनाई छ ।
१ फागुन २०७३, ३।३०
वि.सं.२०७३ फागुन १ आइतवार १६:०१ मा प्रकाशित