काठमाण्डौं । तीन कम्पनीले गत बर्षको मुनाफाबाट सेयरधनीलाई बोनस प्रदान गर्न डिम्याट खाता उपलब्ध गराउन सुचना प्रकाशित गरेका छन् । हिमालयन जनरल इन्स्योरेन्स, सिद्धाथ इन्स्योरेन्स र सिटिजन्स् बैंक लिमिटेडले यस्तो सूचना जारी गरेका हुन् ।
हिमालयनको पुस २९ गते सम्पन्न २३ औं साधारणसभाले गत आर्थिक बर्षको कमाईबाट लगानीकर्तालाइ २० प्रतिशत बोनस सेयर प्रदान गरेको छ भने सिद्धार्थको पुस २२ मा सम्पन्न १५ औं साधारणसभाले सेयरधनीलाई ३० प्रतिशत बोनस सेयर प्रदान गरेको हो । त्यस्तै, सिटिजन्स् बैंकले पनि लगानीकर्तालाई १५ दशमलव ८० प्रतिशत बोनस प्रदान गरेको छ ।
यी तीनै कम्पनीले डिम्याट खातामा नै बोनस प्रदान गर्ने भएको हुन् । दुबै ईन्स्योरेन्स कम्पनीको सेयर विक्रि प्रबन्धक एनएमबि क्यापिटल रहेको छ । सिटिजन्स् बैंकको विक्री प्रबन्धक सि।बि।आई।एल क्यापिटल रहेकोछ । विस्तृत जानकारीका लागि क्यापिटलमा सम्पर्क गर्न तीनबटै कम्पनीले लगानीकर्तालाई आग्रह गरेका छन् ।
८ फागुन २०७३, ११।००
वि.सं.२०७३ फागुन ८ आइतवार १२:५८ मा प्रकाशित
