पाँचथर । फिदिम नगरपालिका–२ का भवानीप्रसाद काफ्लेलाई अहिले तरकारी खेती गर्न भ्याई नभ्याई छ । उनले बारीमा अहिले १४ हजार काउलीका बिरुवा लगाइसकेका छन् । बेमौसमी तरकारी स्क्वास, फर्सी, काँक्रा लगाउन उनलाई हतारो भएको छ ।
विसं २०४७ देखि कृषि पेसा अङ्गालेका काफ्ले कृषि क्षेत्रमै महत्वपूर्ण योगदान पु¥याएको भन्दै विभिन्न निकायबाट सम्मानित समेत भइसकेका छन् । कृषि क्षेत्रको आम्दानीबाटै उनले पक्की घर, घडेरी समेत जोडेका छन् । उनले तरकारी खेतीबाट वार्षिक रु आठ लाखसम्म आम्दानी गर्दै आएका छन् ।
“सरकारले कृषकलाई यथेष्ट मात्रामा अनुदान दिनुपर्छ,” काफ्ले भन्छन्– “व्यावसायिक रुपमा लागेका कृषकलाई उत्साहित गर्न कृषिसम्बन्धी तालिम, उपकरण प्रदान गरे राहत हुने थियो ।” काफ्ले परिवारले वार्षिक रु ३० हजारमा १० रोपनी जग्गा भाडामा लिएर तरकारी खेती गरिरहेको छ ।
१३ फागुन २०७३, रासस, १।००
वि.सं.२०७३ फागुन १३ शुक्रवार १४:२४ मा प्रकाशित
