काठमाण्डौं । फागुन १९ गतेबाट हुने नेपाल लगानी सम्मेलनमा विश्वका उत्कृष्ट कम्पनीहरु माइक्रोसफ्टदेखि कोकाकोलासम्मले सहभागिता जनाउने पक्का भएको छ ।
सम्मेलनमा कोकाकोलाका तर्फबाट बोटलर्स नेपाका प्रवन्ध निर्देशक पुनित भर्सनी सहभागी हुनेछन् । त्यस्तै युनिलिभरका प्रवन्ध निर्देशक सुयोस चौहान पनि आउने पक्का भएकोछ । लगानी सम्मेलनमा माइक्रोसफ्टका कन्ट्री जनरल म्यानेजर मिचेली सिमोन्सको पनि सहभागिता रहनेछ । त्यस्तै आइएफसीका कन्ट्री म्यानेजर वीन्डी जो वेरनर पनि सहभागी हुने पक्का भएको छ । सम्मेलनमा पावर चाइना रिसोर्स प्रालीका ली यनफेङ, जिएमआरका हरभिन्दर मनोचाले सहभागीता जनाउने छन् ।
उद्योग मन्त्रालयले लगानी बोर्डसँगको सहकार्यमा काठमाडौंको सोल्टी होटलमा आयोजना गर्न लागेको सम्मेलनमा हालसम्म २ सय ३७ कम्पनीका प्रतिनिधिले सहभागिता जनाउने पक्का भएकोछ ।
१६ फागुन २०७३, ११।००
वि.सं.२०७३ फागुन १६ सोमवार १५:४६ मा प्रकाशित