काठमाण्डौं । सिटिजन्स् बैंकले २५ प्रतिशत हकप्रद प्रयोजनका लागि फागुन २६ गते बुक क्लोज गर्ने भएको छ । सिटिजन्सले एक करोड ३८ लाख ४३ हजार ३ सय ७९ कित्ता अर्थात एक अर्ब ३८ करोड बराबरको हकप्रद सेयर जारीगर्न लागेको हो ।
फागुन २५ गतेसम्म बैंकको सेयर किन्ने लगानीकर्ताले २५ प्रतिशत हकप्रद प्राप्त गर्नेछन् । बैंकको असोज १६ गते सम्पन्न दशौं बार्षिक साधारणसभाले सेयरधनीलाई १० बराबर २।५ कित्ता हकप्रद बेच्ने प्रस्ताव पारित गरेको थियो भने फागुन १२ गते धितोपत्र बोर्डबाट २५ प्रतिशत हकप्रद जारी गर्ने अनुमति पाएको हो ।
बैंकले हकप्रद बिक्रीका लागि सि बि आई एल क्यापिटल लिमिटेडलाई विक्री प्रवन्धक नियुक्त गरिसकेको छ । हाल बैंकको चुक्ता पूँंजी ५ अर्व ५३ करोड ७३ लाख रुपैयाँ रहेको छ ।
१९ फागुन २०७३, ११।००
वि.सं.२०७३ फागुन १९ बिहीवार १२:२३ मा प्रकाशित