काठमाण्डौं । वेष्ट्रन डेभलपमेन्ट बैंकको हकप्रदमा नबिकेको दुई लाख २५ हजार छ सय ३५ कित्ता सेयर लिलामीमा आउने भएको छ । बैंकले एक सय रुपैँया दरका १५ लाख ६९ हजार छ सय कित्ता हकप्रद सेयर जारी गरेको थियो ।
दाङको धोराहीमा प्रधान कार्यालय रहेको बैंकको हकप्रदमा पुरै सेयर नबिकेपछि सबा दुई लाख कित्ता लिलामीमा आउन लागेको हो । बैंकले कार्तिक एक गतेसम्म कायम सेयरधनीलाई शतप्रतिशत हकप्रद मंसिर २२ गतेदेखि माघ १२ गतेसम्म बेचेको थियो । हकप्रदमा नबिकेकेको बाँकी सेयर बैंकले लिलामी मार्फत बेच्नका लागि सूचना जारी गर्ने जनाएकोछ ।
२२ फागुन २०७३, ११।००
वि.सं.२०७३ फागुन २२ आइतवार ११:३१ मा प्रकाशित
