काठमाण्डौं । नेपाल स्टक एक्सचेन्ज (नेप्से) मा हिजो सोमबार एक करोड पाँच लाख ३३ हजार ९५९ कित्ता सेयर सुचिकृत भएको छ । विभिन्न कम्पनीको बोनस, हकप्रद, एफपिओ गरेर यो संख्यामा सेयर सुचिकृत भएको हो।
नेप्सोमा सबैभन्दा बढि बोनस सेयर सुचिकृत भएको छ । ६ कम्पनीको ५३ लाख १२ हजार ४८ कित्ता बोनस सेयर सुचिकृत भएको छ । त्यस्तै, दुई कम्पनीका २७ लाख १७ हजार ८६५ कित्ता हकप्रद र नेपाल एसबिआइ बैंकको ६७ हजार ७६७ कित्ता एफपिओ सुचिकृत भएको हो।
सिर्जना फाइनान्सको १० लाख आठ हजार कित्ता, छिमेक लघुवित्त विकास बैंकको २३ लाख ८३ हजार २३१ कित्ता, युनाईटेड इन्स्योरेन्स ५ लाख ४ हजार कित्ता, प्रिमियर इन्स्योरेन्सको सात लाख ४७ हजार ५०५ कित्ता, श्रीइन्भेस्टमेन्ट फाइनान्सको दुई लाख ३१ हजार र त्रिबेणी विकाश बैंकको चार लाख ३८ हजार ३१२ कित्ता बोनस सेयर सुचिकृत भएको हो।
युनाईटेड फाइनान्सको ११ लाख ५९ हजार ८३६ कित्ता र त्रिबेणी विकास बैंकको १५ लाख ५८ हजार २९ कित्ता हकप्रद सेयर सुचिकृत भएको हो। सनराइज बैंकले किनेर बिलय गरेको एनसिमएम मर्चेन्ट बैंकको १५ लाख ९८ हजार १६९ कित्ता र ग्लोबल आइएमइ बैंकले किनेर बिलय गरेको प्यासिफिक डेभलमेन्ट बैंकको नौ लाख २१ हजार ११० कित्ता सेयर पनि सुचिकृत भएको छ।
२४ फागुन २०७३, ११।००
वि.सं.२०७३ फागुन २४ मंगलवार १३:०६ मा प्रकाशित