back
NMB ad

कालोबजारी गरेर फारर दुगड सञ्चालकहरु काठमाडौंमा लुकीछिपी कता छन् ?

Kumari bank ad

काठमाडौ । नाकाबन्दीको मौका छोपी सर्वसाधारणलाई ठगी गरेको प्रमाण फेला परेपछि फरार रहेका केएल दुगड ग्रुपका सञ्चालकहरू उपत्यकामै रहेको आशंकामा प्रहरीले उपत्यका केन्द्रित खोजी तीव्र बनाएको छ । शक्तिकेन्द्रमा रहेका व्यक्तिलाई प्रयोग गरी दुगड ग्रुपका सञ्चालक उपत्यकामै रहेको सूचना प्राप्त भएपछि प्रहरीले खोजी कार्य तीव्र बनाएको हो । कालोबजारी तथा ठगी मुद्दामा फरार केएल दुगड ग्रुपका सञ्चालकहरू किशनलाल दुगड, नरेश दुगड, कुमुद दुगड र विकास दुगडलगायतका अभियुक्त पक्राउ गर्न प्रहरीले सादा पोसाकमा विशेष संयन्त्र बनाई परिचालन गरेको टोली उपत्यका केन्द्रित बनेको छ ।

अदालतले पक्राउ आदेश जारी गरेको भए पनि प्रहरीले खोजी नगरेको आभास भएपछि दुगड ग्रुपका सञ्चालकहरू केही समयअघि काठमाडौं–दिल्ली ओहोर–दोहोर गरेको आशंकामा प्रहरीले काठमाडौं उपत्यकाका सबै सम्भावित स्थानमा खोजी सुरु गरेको छ । महानगरीय प्रहरी परिसर काठमाडौं स्रोतले दिएको जानकारीअनुसार केही दिनदेखि उनीहरू काठमाडौं ओहोर–दोहोर गरेका केही प्रमाण फेला परेको छ । विमानस्थल प्रहरीलाई आर्थिक प्रलोभनमा पारेर उनीहरूले यस्तो काम गर्दै आएको स्रोतको भनाइ छ ।

सोही कारण काठमाडौं प्रहरीले उपत्यकाका सम्भावित स्थानमा सादा पोसाकका प्रहरी परिचालन गरेको हो । ‘अभियुक्त भागेर बच्न सक्दैनन्, हामीले दुगड ग्रुपका फरार अभियुक्तको खोजीलाई तीव्र पारेका छांैं, अहिलेलाई यति बझ्नुस्,’ काठमाडौं प्रहरी प्रमुख प्रहरी वरिष्ठ उपरीक्षक (एसएसपी) छविलाल जोशीले भने ।

प्रहरीले पछिल्लोपटक दुगड ग्रुपका सबै कम्पनीमा निगरानीसहित सादा पोसाकका प्रहरी खटाएको छ । दुगड ग्रुपका फरार सञ्चालकहरूले काठमाडौंबाटै बैकिङलगायतका कारोबार गरेको प्रमाण फेला परेपछि उपत्यकामै लुकेर बसेको तथ्य खुलेको थियो । ‘एक वर्षदेखि फरार व्यक्तिले कसरी उपत्यकामा कारोबार ग¥यो ? हामीले यसलाई आधार मानेर पक्राउ गरी अदालत बुझाउन सकिने निष्कर्षसहित खोजी थालेका हांैं’ पक्राउमा खटिएका एक अधिकारीले भने ।

डेढ वर्षअघि काठमाडौं प्रहरी परिसरले केएल दुगडको जडीबुटीस्थित गोदाममा छापा मारी बढी मूल्यमा बेच्न स्टिकर परिवर्तन गरिएको चार ट्रकभन्दा बढी खाने तेल बरामद गर्दै ९ करोड बढी ठगी कायम गरी जिल्ला अदालत काठमाडौंमा मुद्दा दायर गरेको थियो । अदालतले सबै सञ्चालक दोषी रहेको भन्दै उनीहरूविरुद्ध पक्राउ पुर्जी जारी गरेको थियो ।

प्रहरीले ठगीमा साथ दिएको भन्दै कम्पनीका म्यानेजर अमन जैन र प्रमोद अधिकारीलाई पक्राउ गरेको थियो । तर, सञ्चालकहरू भने लाखौं रुपैयाँ खर्च गरी जोगिँदै अएका छन् । नाकाबन्दीको समयमा खाने तेलको मूल्य बढाई बिक्री गरे पनि सम्बन्धित निकायले चासो नदिँदा अभियुक्तहरू लामो समयसम्म बच्दै आएका छन् । उनीहरूले तात्कालीन समयमा प्रहरी अधिकारी खरिद गर्ने प्रयाससमेत गरेका थिए । राजधानी दैनिकबाट

प्रकाशित मितिः २०७३ फागुन २५

वि.सं.२०७३ फागुन २५ बुधवार ११:०० मा प्रकाशित

You can share this post!

पुल अलपत्र बनाउने निर्माण कम्पनी कालोसूचीमा   

पुल अलपत्र बनाउने निर्माण कम्पनी कालोसूचीमा   

वि.सं.२०८० चैत १५ बिहीवार २१:२७

म्याग्दी, १५ चैत : मुस्ताङको थासाङ गाउँपालिकाको कैकु र लार्जुङखोलाको...

सरकारले तोक्यो चैते धानको मूल्य   

सरकारले तोक्यो चैते धानको मूल्य   

वि.सं.२०८० चैत १५ बिहीवार २१:२३

काठमाडौँ, १५ चैत : सरकारले चैते धानको समर्थन मूल्य तोकेको...

करका दरमा एकरुपता कायम गर्न अध्ययन गर्ने सरकारको तयारी   

करका दरमा एकरुपता कायम गर्न अध्ययन गर्ने सरकारको तयारी   

वि.सं.२०८० चैत १५ बिहीवार २१:१९

काठमाडौँ, १५ चैत : सरकारले करको दरमा एकरुपता कायम गर्नका...

होटललाई उद्योगको मान्यता दिन व्यवसायीको माग   

होटललाई उद्योगको मान्यता दिन व्यवसायीको माग   

वि.सं.२०८० चैत १५ बिहीवार २१:१३

काठमाडौँ, १५ चैत : उद्योगी व्यवसायीले होटल क्षेत्रलाई उद्योगसरह कानुनी...

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

वि.सं.२०८० चैत १५ बिहीवार २१:०८

काठमाडौँ, १५ चैत : अख्तियार दुरुपयोग अनुसन्धान आयोगले नेपाल दूरसञ्चार...

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...