काठमाडौ । हिमालयन पावर पार्टनर लिमिटेडले स्थानीय बासिन्दालाई बिक्री गरेको १० लाख ६५ हजार ४१७ कित्ता सेयर बुधबार बाँडफाँट गरेको छ । आयोजना प्रभावित लमजुङ जिल्लाको चिती, ढोडेनी, बन्सर, नौथर, श्रीमञ्ज्याङ, अर्चलबोट गाविसका बासिन्दालाई ५ लाख ३२ हजार ७०८ कित्ता र बाँकी लमजुङ जिल्लाबासीलाई ५ लाख ३२ हजार ७०९ कित्ता सेयर बाँडफाँट भएको हो ।
आयोजना प्रभावित बासिन्दाको हकमा न्यूनतम ५० कित्ता सेयर आवेदन दिनेले गोलाप्रथाबाट ३४ कित्ता पाएका छन् भने अन्य जिल्लाबासीले चाहिँ समानुपातिक हिसाबले सेयर हात परेका छन् ।
यस आइपीओमा बिक्री प्रबन्धकको काम ग्लोबल आइएमई क्यापिटल लिमिटेडले गरेको हो । बाँडफाँडमा नरपरेका लगानीकर्ताको रकम चैत १५ गतेदेखि आवेदन फारममा उल्लेख गरिएको बैंक खातामा पठाइने बिक्री प्रबन्धकले जानकारी दिएको छ ।
हिमालयन पावरले माघ १७ देखि फागुन २ गतेसम्म १० लाख ६५ हजार ४१७ कित्ता साधारण सेयरको बिक्री खुला गरेको थियो । यसमा कुल नौ हजार ४७४ जनाले आवेदन दिएका थिए ।
प्रकाशित मितिः २०७३ चैत ९
वि.सं.२०७३ चैत ९ बुधवार १३:४३ मा प्रकाशित