काठमाण्डौं । जनता बैंक नेपाल लिमिटेडले लिलामीमा राखेको आफ्नो सेयर किन्ने आज अन्तिम दिन रहेको छ । बैंकले ७ लाख ६७ हजार पाँच सय ५२ कित्ता हकप्रद सेयर गत चैत्र १ गते देखि लिलामीमा बिक्री राखेको हो ।
बैंकले पुस ११ गतेसम्म हकप्रद सेयरको विक्री खुला गरी आवेदन माग गरिएकोमा संस्थापक र सर्वसाधारण सेयर बाँडफाँट भई बाँकी रहेको संस्थापक समूहतर्फ तीन लाख ९६ हजार पाँच सय २६ कित्ता र सर्वसाधारण समूहतर्फ तीन लाख ७१ हजार २६ कित्ताको लागि शिलबन्दी बोलपत्र आह्वान गरेको थियो ।
सेयरको न्यूनतम मूल्य प्रतिसेयर एक सय रुपैयाँ तोकिएको छ । बैंक सेयर निष्काशन तथा विक्री प्रबन्धक एनसिएम मर्चेण्ट बैंकिङ लिमिटेड रहेको छ । लगानीकर्ताले बिक्री प्रबन्धक एन।सि।एम मर्चेन्ट एण्ड बैंकिङको कार्यालय कमलपोखरीबाट आवेदन गर्न सक्नेछन् ।
१५ चैत २०७३, ११।००
वि.सं.२०७३ चैत १५ मंगलवार १२:०८ मा प्रकाशित
