काठमाण्डौं । हाइड्रो नेपालले नेपाल विद्युत प्राधिकरणको प्रबन्ध निर्देशक कुलमान घिसिङलाई ‘हाइड्रो नेपाल एक्सिलेन्स अवार्ड’ प्रदान गर्ने घोषणा गरेको छ । मुलुकलाई लोडसेडिङ मुक्त गर्नको लागि आफ्नो प्राविधिक ज्ञान तथा व्यवस्थापकीय क्षमता प्रदर्शन गरेको भन्दै सम्मान गर्न लागेका हो ।
त्यस्तै हाइड्रो नेपाल लाइफ टाइम एचिभमेन्ट अवार्ड डा। हरिमान श्रेष्ठलाई प्रदान गर्ने भएको छ । जलविद्युत् क्षेत्रमा लामो समयदेखि निरन्तर क्रियाशीलता तथा योगदानको कदर गर्दै प्रदान गर्न लागेको हो । डा। हरिमान श्रेष्ठले सन् १९६६ मा मस्को पावर इन्स्टिच्युटबाट आफ्नो जलस्रोत सम्बन्धी रिसर्चको सिलसिलामा नेपालको जलविद्युत् क्षमता ८३,००० मेगावाट रहेको पत्ता लगाएका थिए ।
अवार्ड छनोटका लागि अवार्ड मूल्यांकन समितिको अध्यक्षमा सूर्यमान शाक्य, भिजिटिङ फ्याकल्टी, काठमाडौं विश्वविद्यालय छन् । त्यस्तै खड्गबहादुर विष्ट, निवर्तमान अध्यक्ष, इपान, एनआरएनएका निवर्तमान अध्यक्ष जीवा लामिछाने, हाइड्रो नेपाल जर्नलका प्रधान सम्पादक उपेन्द्रदेव भट्ट र हाइड्रो नेपालका संस्थापक राजेन्द्रप्रसाद थान्जु रहेका छन् ।अवार्डमा प्रशंसापत्र, ट्रफीको छिट्टै एक विशेष कार्यक्रम गरी प्रदान गरिने छ ।
१८ चैत २०७३, ११।००
वि.सं.२०७३ चैत १८ शुक्रवार १२:२९ मा प्रकाशित
