काठमाण्डौं । काष्ठमण्डप डेभलपमेन्ट बैंकले हकप्रदमा नबिकेको सर्वसाधारण समूहतर्फका एक लाख सात हजार छ सय एक कित्ता सेयरमा बोलपत्र खुला गरेको छ । बैंकले चैत २२ गते मंगलबारदेखि सेयर लिलामी खुला गरेको हो । यसमा चैत २८ गतेसम्म मात्र आवेदन दिन सकिन्छ ।
कुमारी बैंकसँग एक्वायरमा गएको काष्ठमण्डपको सेयर लिलाम सकार्न इच्छुक लगानीकर्ताले सेयर बिक्री प्रवन्धक एनसिएम मर्चेन्ट बैंकिङ लिमिटेड, कमलपोखरी काठमाडौंबाट चैत २८ गतेसम्म लिलामी आवेदन गर्न सक्नेछन् । आवेदन गर्दा न्यूनतम १०० रुपैयाँलाई आधार मानेर त्यसभन्दा बढी मूल्यमा न्यूनतम एक सय कित्ता वा १० कित्ताको गुणांकमा सबै सेयरमा आवेदन गर्न सक्नेछन् ।
२३ चैत २०७३, ११।००
वि.सं.२०७३ चैत २३ बुधवार ११:४४ मा प्रकाशित
