काठमाण्डौं । फस्ट माईक्रोफाईनाइन्स कम्पनीले ५० प्रतिशत हकप्रद निष्काशनका लागि चैत ३० गते सेयरधनी किताब बन्द गर्ने भएको छ । कम्पनीको असोज १९ गते सम्पन्न सातौं बार्षिक साधारणसभाले ५० प्रतिशत हकप्रद जारी गर्ने प्रस्ताव पारित गरेको थियो ।
लघुवित्तले १३ करोड २२ लाख ५० हजार रुपैँया मूल्य बराबरको एक सय रुपैँया अंकित दरको १३ लाख २२ हजार पाँच सय कित्ता हकप्रद सेयर निष्काशन गर्न लागेको हो । कम्पनीको सेयर निष्काशन तथा बिक्री प्रबन्धक ग्लोबल आईएमई क्यापिटल रहेको छ । हकप्रद सेयर निष्काशनका लागि कम्पनीले धितोपत्र बोर्डबाट चैत १७ गते अनुमति पाइसकेको छ ।
कम्पनीको चैत २९ गतेसम्म सेयर किनेका लगानीकर्ताले ५० प्रतिशत हकप्रद भर्न पाउनेछन् ।
२४ चैत २०७३, ७।००
वि.सं.२०७३ चैत २४ बिहीवार ०७:१८ मा प्रकाशित