काठमाण्डौं । आज शुक्रबारदेखि स्वदेशी लघुवित्तको आईपिओ बिक्री खुला भएकोछ । इटहरीमा प्रधान कार्यालय रहेको कम्पनीले ३ लाख कित्ता सेयर सर्वसाधारणका लागि बिक्री गर्ने भएको हो। जसमध्ये १२ हजार कित्ता कर्मचारीका लागि र १५ हजार कित्ता म्युचुअल फण्डहरुलाई छुट्याइएको छ।
इच्छुकले चैत २९ गतेसम्म आवेदन भर्न सक्ने छन्। बिक्री प्रवन्धकका रुपमा एनएमबि क्यापिटल रहेको छ। न्यूनतम ५० देखि अधिकतम १५ सय कित्तासम्मका लागि आवेदन दिन पाइन्छ।
फारम एनएमबि क्यापिटल नागपोखरी तथा एनएमबि बैंकका शाखा कार्यालयहरु सुर्यविनायक, तीनकुने, चाबहिल, पुल्चोक, टेकु, बसुन्धारा, सितापाइला र थैवबाट पाइन्छ। साथै स्वदेशी कम्पनीको इटहरी प्रधान कार्यालयबाट पनि फारम भर्न पाइने छ।
त्यसबाहेक सिद्धार्थ क्यापिटल नक्साल, प्रभु क्यापिटल कमलादी, ग्लोबल आईएमई क्यापिटल जमल, एनआईसी एसिया क्यापिटल बबरमहल, सिबिआइएल क्यापिटल डिल्लीबजार, काठमाडौं क्यापिटल कमलादी लगायतका स्थानबाट पनि आवेदन भर्न पाइनेछ।
२५ चैत २०७३, ७।००
वि.सं.२०७३ चैत २५ शुक्रवार ०७:२२ मा प्रकाशित