काठमाडौं । डिप्रोक्स लघुवित्त विकास बैंकले १०० प्रतिशत हकप्रद सेयर भर्ने म्याद १५ दिन थप गरेको छ । अब बैकको हकप्रदमा अब वैशाख २५ गतेसम्म आवेदन दिन पाइनेछ । यसअघि डिप्रोक्सले चैत ७ देखि वैशाख १० गते सम्मका लागि १ः१ अनुपातमा सेयर बिक्री खुला गरेको थियो ।
डिप्रोक्सले १०० रुपैयाँ अंकित मूल्यको २५ लाख ७९ हजार २३८.४५ कित्ता सेयर बिक्री खुला गरेको हो । यो हकप्रद सेयरमा आवेदन दिन फागुन १ गतेसम्म कायम सेयरधनीले मात्र आवेदन दिन सक्नेछन् । हकप्रद सेयर निष्कासनपछि डिप्रोक्सको चुक्ता पुँजी ५१ करोड ५८ लाख ४७ हजार ६९० रुपैयाँ पुग्नेछ ।
बैंकको हकप्रद सेयरमा बिक्री प्रबन्धक नबिल इन्भेष्टमेन्ट बैंकिङ रहेको छ । हककप्रद सेयर खरीदका लागि नबिल इन्भेष्टमेन्ट बैंकिङ्ग लिमिटेड सेन्ट्रल प्लाजा, नारायणचौर नक्साल र डिप्रोक्सका सम्पूर्ण कार्यालयबाट आवेदन फारम लिन र बुझाउन पाइनेछ ।
प्रकाशित मितिः २०७४ बैशाख ८
वि.सं.२०७४ वैशाख ८ शुक्रवार ११:५८ मा प्रकाशित