काठमाडौ । सोमबार घटेको सेयर बजार परिसूचक नेप्से मंगलवार पनि ३ दशमलव ४० अंकले ओरालो लागेर १६ सय ७२ दशमलव ३८ अंकमा आईपुगेको छ ।
यसदिन सबैभन्दा बढि बजार होल्ड गर्ने वाणिज्य बैंकसहित जलविद्युत र अन्य समुहको परिसुचक ओरालो लागेपछि बजारमा गिरावट आएको हो । बाँकी अरु परिस्ुचक भने उकालो लागेका छन् । मंगलबार बाणिज्य बैंक समूहको परिसूचक ८ दशमलव ४२ अंकले घटेको छ ।
यसदिन १ सय ४७ कम्पनीको १४ लाख १५ हजार कित्ता सेयर १ अर्व १३ करोड ५१ लाख रुपैंयामा किनबेच भएका छन । हिमालयन जनरल इन्सुरेन्योरेन्स सबैभन्दा बढी ९ करोड ९४ लाख रुपैयाँ भन्दा धेरैको सेयर किनबेच भएको छ । कारोबार रकमका आधारमा दोस्रो र तेस्रो स्थानमा क्रमशः प्राइम लाइफ इन्सुरेन्स र प्रभु बैंक परेका छन् ।
यस दिन तीन कम्पनीको सेयरमूल्य दश प्रतिशतको दरले बढेको छ । स्वोरोजगार लघुवित्त, ललिपुर फाइनान्स र राष्ट्रिय बीमा कम्पनीको संस्थापक सेयरको मूल्य दश प्रतिशतले बढेको छ । त्यस्तै राष्ट्रिय बीमा कम्पनीको साधारण सेयर, कन्काई विकास बैंक र श्री इन्भेष्टमेन्ट फाइनान्सको सेयरमुल्य पनि नौ प्रतिशत बढीले बढेको छ ।
प्रकाशित मितिः २०७४ बैशाख १२
वि.सं.२०७४ वैशाख १२ मंगलवार १६:१५ मा प्रकाशित