काठमाडौ । राष्ट्र बैंकको पूँजी वृद्धि योजना अनुसार मंगलबार अरुण र जेविल्स् फाइनान्स हकप्रदको अनुमति माग्दै धितोपत्र बोर्ड पुगेका छन् । ती दुवै फाईनान्सले बोर्डसँग शतप्रतिशत हकप्रद निष्काशनको अनुमति मागेका हुन् ।
जेविल्स् फाइनाइन्सले पनि हाल कायम चुक्ता पूँजीको शतप्रतिशतले हुन आउने २८ लाख ८९ हजार पाँच सय ६२.५० कित्ता कित्ता हकप्रद निष्काशन गर्न बोर्डसँग अनुमति मागेको छ । फाइनाइन्सको अहिले चुक्ता पूँजी २८ करोड ८९ लाख रुपैंया छ । प्रस्तावित हकप्रद निष्काशन पश्चात कम्पनीको चुक्ता पूँजी ५७ करोड ७९ लाख रुपैँया नाघ्नेछ ।
यस्तै अरुण फाईनाइन्सले शतप्रतिशतका दरले हुने १५ करोड रुपैंया बराबरको १५ लाख कित्ता हकप्रद निष्काशन गर्न आवेदन दिएको हो । मर्जरको विकल्प खोजिरहेको फाइनान्सको प्रस्तावित हकप्रद निष्काशनपछि चुक्ता पूँजी ३० करोड रुपैंया पुग्ने छ ।
प्रकाशित मितिः २०७४ बैशाख १३
वि.सं.२०७४ वैशाख १३ बुधवार ११:४७ मा प्रकाशित
