काठमाडौ ।नेपाल धितोपत्र बोर्डले बजारलार्इ प्रभावित पार्ने सूचना सार्वजनिक गरे सेयर कारोबार नै रोक्ने चेतावनी दिएको छ। बोर्डले बुधवार प्रेश विज्ञप्ति जारी गर्दै बजारलार्इ प्रभावित गर्ने सूचना बोर्डलार्इ जानकारी नगरी सार्वजनिक गर्न रोक लगाएको हो।
पछिल्लो समयमा धितोपत्र बजारमा सूचीकृत कम्पनीका अध्यक्ष, संचालक र प्रमुख कार्यकारी अधिकृतको अन्तर्वार्ता र भनार्इ भन्दै प्रकाशित समाचारले ध्यान आकृष्ट भएको बोर्डले जनायो।
सेयर बजारको मूल्यमा असर पर्ने सूचना संचालक, बोर्ड र साधारणसभाको निर्णय अघि नै प्रकाशित हुँदा लगानीकर्तालाई नोक्सानी पर्ने बोर्डको भनाई छ ।
धितोपत्र दर्ता तथा निष्काशन नियमावली २०७३ बमोजिम आधिकारिक रुपमा बोर्डमा जानकारी गराई कम्पनीका आधिकारिक व्यक्तिबाट मात्र जानकारी गराउन निर्देशन गरिएको छ, विज्ञप्तिमा उल्लेख छ।
प्रकाशित मितिः २०७४ बैशाख १४
वि.सं.२०७४ वैशाख १४ बिहीवार ०९:४२ मा प्रकाशित