काठमाडौ । संसदको लेखा समितिले सरकारलाई पाँच दिन भित्र एनसेलले कति कर तिर्नुपर्ने त्यसको प्रस्ट जानकारी दिन निर्देशन दिएको छ । सरकारले एनसेललाई कति कर निर्धारण गरेको छ त्यसको यथार्थ विवरण बुझाउन लेखा समितिले बिहीबार सरकारलाई निर्देशन दिएको हो ।
एनसेल कर विवाद चुलिंदा वास्तविक तिर्नुपर्ने कर रकमको विवरणसमेत आउन नसकेको भन्दै समितिले प्रस्ट जानकारी मागेको हो । एनसेलसँग तीन महिनाभित्र कर असुल्न समय दिएको भएपनि तोकिएको समय घर्किसक्दासमेत सरकारले काम गर्न नसकेको भन्दै समितिले फेरि पाँच दिनको समयसिमा दिएर विवरण बुझाउन आन्तरिक राजस्व विभागलाई निर्देशन दिएको हो । यता, आन्तरिक राजस्व विभागका महानिर्देशक चुणामणि शर्माले भने ठूला व्यवसायीलाई कर उन्मुक्ति दिन खोजेको सांसदको आरोपको खण्डन गर्दै सबै करको दायरामा आउने बताए ।
प्रकाशित मितिः २०७४ बैशाख १४
वि.सं.२०७४ वैशाख १४ बिहीवार १७:५७ मा प्रकाशित
