काठमाडौ । उपप्रधान तथा गृहमन्त्री विमलेन्द्र निधीले दिएको राजीनामा फिर्ता लिएका छन् । बिहीबार बिहान बालुवाटारमा प्रधानमन्त्री पुष्पकमल दाहाल, नेपाली काँग्रेसका सभापति शेरबहादुर देउवा र निधीबीचको छलफलपछि उनले राजीनामा फिर्ता लिएका हुन् ।
सभापति देउवाका निजी सचिव केशवराज जोशीले निधीको राजीनामा अस्वीकृत भएको बताए । उनले आजैबाट गृहमन्त्रालयको जिम्मेवारी सम्हाल्नेछन् ।
नेपाली काँग्रेसको पदाधिकारी र पूर्व पदाधिकारीहरूको बुधबार बसेको बैठकले निर्वाचनको मुखमा गृहमन्त्री परिवर्तन गर्न नहुने सुझाएको थिायो । उनीहरूले राजीनामा फिर्ता लिन निधीलार्इ आग्रह समेत गरेका थिए ।
निधी भने पार्टीको कार्यक्रममा सहभागी हुन जनकपुर लागेका छन् । त्यहाँबाट फर्केपछि सम्भवत आजै उनले मन्त्रालयको जिम्मेवारीमा फर्किनेछन् ।
गृहमन्त्री निधिले प्रधानमन्त्रीसमक्ष वैशाख १७ गते राजीनामा दिएका थिए ।
प्रकाशित मितिः २०७४ बैशाख २१
वि.सं.२०७४ वैशाख २१ बिहीवार १३:३४ मा प्रकाशित