कोलकातामा बस्ने एक परिवारलाई आफ्नी २६ बर्षीय छोरीको लागि योग्य वर चाहिएको छ । स्नातकोत्तर पास गरेकी ती युवतीका लागि योग्य ठहरिने ज्वाइँका अन्य मापदण्ड आफ्नो ठाउँमा छन् तर सबैभन्दा महत्वपूर्ण के भने परिवारको हुनेवाला ज्वाइँ वामपन्थी हुनैपर्छ ।
दिप्तानुज दासगुप्ताले आफ्नी बहिनीको बिहेको लागि भारतीय कम्युनिष्ट पार्टी माक्र्सवादीको मुखपत्र गणशक्तिमा यो विज्ञापन छपाएका छन् ।दासगुप्ताका अनुसार वामपन्थीहरु संकीर्ण विचारधारका नहुने र जिवनका हरेक क्षेत्रमा उनीहरुको दिलचस्पी रहने र फराकिलो दृष्टिकोण राख्ने गर्दछन् ।
आफुहरुको घरको वातावरण पनि यस्तै रहेको र आफुहरुले बहिनीका लागि त्यस्तै केटा खोजेको उनी बताउँछन् । उनी भन्छन्, ‘हामीले बहिनीका लागि यस्तो केटा खोजेका छौँ जसले आफुलाई वामपन्थी बताउनुमा गर्व महसुस गर्दछ, खासगरी यो यस्तो बेलामा जब वामपन्थलाई खराब मानिँदैछ ।
प्रकाशित मितिः २०७४ जेठ ७
वि.सं.२०७४ जेठ ७ आइतवार १४:२२ मा प्रकाशित
