काठमाडौं । प्रधानमन्त्री पुष्पकमल दाहालले व्यवस्थापिका–संसद्को आजको बैठकमा विशेष सम्बोधन गर्ने भएका छन् ।
अपराह्न १३ः०० बजे संसद् बैठकलाई सम्बोधन गर्ने कार्यक्रम रहेको प्रधानमन्त्रीका प्रेस सल्लाहकार गोविन्द आचार्यले राससलाई जानकारी दिए । स्रोतका अनुसार सम्बोधन लगत्तै प्रधानिमन्त्रीले राजीनामा दिने छन् । नेकपा माओवादी केन्द्रको बैठबाटै प्रधानमन्त्रीको राजीनामा अनुमोदन गरेको खबर बाहिरिएसंगै प्रधानमन्त्रीको सम्बोधन हुने भएको हो । स्थानीय तहको पहिलो चरणको निर्वाचन सकिएर दोस्रो चरणको तयारी भैरहेका बेला प्रधानमन्त्रीको सम्बोधन सहित राजिनामा आउनु मुलुकको हितमा नहुने जानकारहरु बताउँछन् । तर सत्ता साझेदार दल नेपाली काँग्रेस र नेकपा माओवादी केन्द्रबीच भएको सहमतीको कार्यान्वयन गर्न लागेको प्रधानमन्त्री कार्यालय स्रोतले जनाएको छ ।
९ जेठ २०७४
वि.सं.२०७४ जेठ ९ मंगलवार १०:३९ मा प्रकाशित
